“ពេជ្រមួយពាន់គ្រាប់” គឺជាសៀវភៅដែលបង្ហាញអំពីគោលគំនិត និងទស្សនៈផ្សេងៗរបស់បុគ្គលជោគជ័យ និងល្បីឈ្មោះនៅក្នុងពិភពលោក។ ខ្លួនរបស់វាតូចរាងតូចបន្តិច តែវាបានផ្ទុក១០០០គោលគំនិត និងទស្សនៈ(ភាគ១ ចំនួន៥០០ និងភាគ២ ចំនួន៥០០) របស់បុគ្គលជាង៥០០នាក់ ដែលពួកគេនាំគ្នានិយាយអំពីជីវិត ខ្លួនឯង ភាពជោគជ័យនិងបរាជ័យ ការសិក្សា ការអភិវឌ្ឍន៍ ស្នេហា មិត្តភាព គ្រួសារ អាពាហ៍ពិពាហ៍ ការងារ ជំនួញ សុខភាព សុវត្ថិភាព សង្គមជាតិ ផែនដី ព្រមទាំងគោលគំនិត និងទស្សនៈទូទៅដទៃទៀតផងដែរ ។
លោក ឈុំ សីហា ជាអ្នកនិពន្ធនិងរៀបរៀងសៀវភៅជាច្រើនក្បាល ដែលមានសៀវភៅពាក់ព័ន្ធនឹងជីវប្រវត្តិដូចជា មេដឹកនាំពិភពលោក២១រូប ស្ត្រីដែកថែម មហាសេដ្ឋីព័ត៍មានវិទ្យា និងសៀវភៅពាក់ព័ន្ធគំនិតទស្សនៈ ការងារ និងការជំរុញទឹកចិត្តជាច្រើន។
លោកបានបញ្ចប់ការសិក្សាថ្នាក់បរិញ្ញបត្រជាន់ខ្ពស់គ្រប់គ្រងពាណិជ្ជកម្ម ឯកទេសគ្រប់គ្រងធនធានមនុស្ស ក្នុងឆ្នាំ 2011 និងបានបំពេញកិច្ចការផ្នែកនេះរយៈពេល 10 ឆ្នាំ។ លោកបានចាប់ផ្តើមអាជីព ជាសាស្ត្រចារ្យបង្រៀនមុខវិជ្ជាគ្រប់គ្រងពាណិជ្ជកម្ម ចាប់ពីឆ្នាំ 2009 និងវបានសរសេរសៀវភៅជាច្រើនក្បាលទៀតផង។
បច្ចុប្បន្ន លោកក៏ជាសហស្ថាបនិកក្រុមបោះពុម្ពផ្សាយហាតប៊ុក និងជាប្រធានផ្នែកធនធានមនុស្ស និងប្រតិបត្តិការ នៅក្រុមហ៊ុនឯកជនមួយនៅ រាជធានីភ្នំពេញ។