ពិពណ៌នាពីសៀវភៅ
“ភាសាស្នេហ៍” បានបង្ហាញវត្តមានជាមួយវោហារស័ព្ទ ឃ្លាឃ្លោង សារ ទស្សនៈ និងអត្ថបទខ្លីៗអំពីស្នេហា ដ៏ផ្អែមល្ហែម មានន័យ និងទាក់ចិត្តបំផុត។ វានឹងបំពេញការងារក្នុងនាមជា “ជំនួយការ” ហើយវានឹងរួមដំណើរដោយត្រូវឆ្លងកាត់គ្រប់រដូវកាល នៃជីវិតរបស់លោកអ្នក។ ការស្គាល់ធម្មជាតិនៃស្នេហា ការទទួលបានស្នេហា ការចេះផ្តល់នូវក្តីស្រលាញ់ ចេះរក្សា និងបង្កើនចំណងស្នេហ៍ ត្រៀមខ្លួន និងគ្រប់គ្រងលើការឈឺចាប់ ចេះបង្កើត និងទទួលផលពីក្តីស្រលាញ់ សុទ្ធតែជាអ្វីដែលសៀវភៅនេះនឹងផ្តល់ជូនលោកអ្នក។ សុភាសិតស្នេហាមួយឃ្លាបានពោលថា “បង្កើតស្នេហា គឺជាកិច្ចការដ៏លំបាកមួយ ប៉ុន្តែការរក្សាស្នេហាឲ្យ ឋិតឋេរ គឺជាកិច្ចការដ៏លំបាកបំផុត” ដូចនេះ “ភាសាស្នេហ៍” ក៏អាចក្លាយ ជាផ្នែកមួយ នៃសុភាសិតនេះដែរ។ លើសពីនេះ លោកអ្នកក៏អាចទាញយក ឬកែឆ្នៃអ្វីដែលមាននៅក្នុងសៀវភៅនេះ សម្រាប់ការគិត ការនិយាយ សកម្មភាព ការសរសេរ ឬការចែករំលែកទៅកាន់មនុស្សជាទីស្រលាញ់ ឬមិត្តភក្រ្តរបស់លោកអ្នកជាដើម។
អំពីអ្នកនិពន្ធ
លោក ឈុំ សីហា ជាអ្នកនិពន្ធនិងរៀបរៀងសៀវភៅជាច្រើនក្បាល ដែលមានសៀវភៅពាក់ព័ន្ធនឹងជីវប្រវត្តិដូចជា មេដឹកនាំពិភពលោក២១រូប ស្ត្រីដែកថែម មហាសេដ្ឋីព័ត៍មានវិទ្យា និងសៀវភៅពាក់ព័ន្ធគំនិតទស្សនៈ ការងារ និងការជំរុញទឹកចិត្តជាច្រើន។
លោកបានបញ្ចប់ការសិក្សាថ្នាក់បរិញ្ញបត្រជាន់ខ្ពស់គ្រប់គ្រងពាណិជ្ជកម្ម ឯកទេសគ្រប់គ្រងធនធានមនុស្ស ក្នុងឆ្នាំ 2011 និងបានបំពេញកិច្ចការផ្នែកនេះរយៈពេល 10 ឆ្នាំ។ លោកបានចាប់ផ្តើមអាជីព ជាសាស្ត្រចារ្យបង្រៀនមុខវិជ្ជាគ្រប់គ្រងពាណិជ្ជកម្ម ចាប់ពីឆ្នាំ 2009 និងវបានសរសេរសៀវភៅជាច្រើនក្បាលទៀតផង។
បច្ចុប្បន្ន លោកក៏ជាសហស្ថាបនិកក្រុមបោះពុម្ពផ្សាយហាតប៊ុក និងជាប្រធានផ្នែកធនធានមនុស្ស និងប្រតិបត្តិការ នៅក្រុមហ៊ុនឯកជនមួយនៅ រាជធានីភ្នំពេញ។
អ្នកផ្គត់ផ្គង់
- ហាតប៊ុក
ប្រភេទ
- ស្នេហា
ភាសា
- ខ្មែរ
ការនិពន្ធ
- ឈុំ សីហា
ព័ត៌មានលំអិតពីសៀវភៅ
- 136
- 2015
- 2
- 978-9996371028
- ក្រដាសសៀវភៅ
- A5
- ស