សេវាអតិថិជន៖ 093-88 44 ​00/085-90 33 00

សមត្ថ​ភាព​ដែល​ត្រូវ​ហ្វឹក​ហាត់​មុន​អាយុ​៣​៥​ឆ្នាំ

អស់ស្តុក
16 000 រៀល
ពិពណ៌នាពីសៀវភៅ

មានទន្សាយមួយក្បាលពូកែលោតណាស់ វាមានកិត្តិយស និងមានមោទនភាពចំពោះ រហស្សនាមថា ជើងឯកលោតចម្ងាយមករហូតផងដែរ។ មានថ្ងៃមួយនៅដែនដីរបស់វាបានរៀបចំការប្រកួតកីឡាមួយ ទើបវាទៅដាក់ពាក្យប្រកួតលោតចម្ងាយ ហើយក៏បានយកឈ្នះសត្វទាំងអស់ មិនថាជា មាន់ ទា ឆ្កែ ជ្រូក... អីនោះទេ។ ទន្សាយនេះបានទទួលមេដាយមាសលោតចម្ងាយនេះម្ដងទៀត។ ពេលបន្ទាប់នោះបន្តិចនោះ មានឆ្កែ មួយក្បាលបានប្រាប់ទន្សាយថា «ចៅទន្សាយ! តាមពិតទៅ ឯងមានទេពកោសល្យ មានរាងកាយ មាំមួន តែអ្នកបានតែមេដាយលោតចម្ងាយប៉ុណ្ណោះ ពិតជាគួរឲ្យសោកស្ដាយមែនទែន យើងថាប្រសិនបើឯងហ្វឹកហាត់ឲ្យល្អនោះ ឯងអាចបានមេដាយមាសច្រើនជាងនេះទៅទៀត!»។
«ពិតមែនឬ! លោកថាខ្ញុំទៅរួចឬ» ដោយទន្សាយ មានអារម្មណ៍រំភើបណាស់។ «ពិតមែនហើយ ប្រសិនបើឯងធ្វើតាមយើងប្រាប់ ឯងអាចនឹង ពូកែទាំងរត់ និងហែលទឹក លើកទម្ងន់ លោត កម្ពស់ទៀតផងដែរ» ដោយឆ្កែមួយនោះ បានប្រាប់ដល់ទន្សាយ។ ឆ្កែនោះក៏បានបង្ហាត់ ទន្សាយឲ្យរត់ចម្ងាយ ១០០ម៉ែត្រ រាល់ថ្ងៃ ហែលទឹករាល់ថ្ងៃ ហើយពេលហែលទឹកហត់ក៏ ទៅឡើងលើកទម្ងន់។ ព្រឹកឡើងពេលរត់មួយ ១០០ម៉ែត្រហើយក៏ទៅលោតកម្ពស់ រួចទើបវារត់ និងហែលទឹកវិញ។ លុះមកដល់ការប្រកួតកីឡាលើកទី២ ទន្សាយបានដាក់ពាក្យប្រឡងជាច្រើន វិញ្ញាសារដើម្បីប្រឡង ប៉ុន្តែមិនបានជាប់អ្វីសោះ ទាំងអស់ ដោយទាំងវិញ្ញាសាររត់ ហែលទឹក លើក ទម្ងន់ ហើយសូម្បីតែការលោតចម្ងាយដែលបាន ធ្លាប់បានមេដាយមាសនោះ ក៏ធ្វើមិនបានល្អនោះដែរ ដល់ថ្នាក់ធ្លាក់តាំងពីជុំដំបូងមកម្ល៉េះ។

 

តាមការពិតនោះ ការដែលទន្សាយបានមេដាយមាសលោតចម្ងាយ ក៏ព្រោះកើតពីការព្យាយាម លោតចម្ងាយ មិនចាំបាច់គិតចង់បានមេដាយមាស ផ្សេងទៀតនោះទេ ដោយប្រសិនបើយើងយកចិត្ត ទុកដាក់ថា ខ្លួនឯងមានចំណុចល្អអ្វីនោះ ក៏ដូចជា ទន្សាយនៅពេលដំបូងមានមោទនភាព និងពេញចិត្តចំពោះជើងឯកលោតចម្ងាយ អ្នកក៏យ៉ាងនេះ ដែរ គឺនៅក្នុងពេលធ្វើការដែលខ្លួនចូលចិត្តនោះ មិនថាខាងក្រៅមានអ្វីមករំខានទេ ក៏មិនបានឮអ្វីទាំងអស់ ហើយខិតខំប្រឹងព្យាយាមធ្វើការរហូត ដល់បានសម្រេច ដែលដូចកាលពីនៅក្មេងៗ ម៉ែតែងតែប្រាប់ថា ប្រសិនបើយកការព្យាយាមពីការលេងហ្គេមមករៀនសូត្រ ឯងប្រាកដជាប្រឡងជាប់លេខមួយរាល់ខែជាមិនខានឡើយ។

 

នៅក្នុងជីវិតរបស់យើងម្នាក់ៗនោះ តើគួរតែត្រូវ មានសមត្ថភាពអ្វីខ្លះ? ហើយតើសមត្ថភាពអ្វីដែល អាចយកទៅប្រើប្រាស់បានអស់មួយជីវិត? ដោយសង្គមយើងសព្វថ្ងៃនេះ មាននិន្នាការ លូតលាស់បែបរូបរាងអក្សរ «M» ដែលធ្វើឲ្យ យុវវ័យសម័យថ្មីនេះ ដែលទើបតែចប់ពីមហាវិទ្យាល័យ ពិបាកស្វែងរកការងារធ្វើ ហើយសូម្បី តែមនុស្សអាយុ៣៥ឡើងទៅ ដែលកំពុងធ្វើការ ក៏នៅតែមានអារម្មណ៍មិនទាន់ឋិតថេរផងដែរ។

 

ដូច្នេះ សៀវភៅមួយក្បាលនេះ នឹងណែនាំអ្នកនូវសមត្ថភាពមួយចំនួនដើម្បីទទួលបានជោគជ័យក្នុងជីវិតរបស់អ្នកមុនអាយុ៣៥ឆ្នាំ។

បញ្ចេញមតិវាយតម្លៃ

តើអ្នកចង់ផ្តល់មតិវាយតម្លៃលើផលិតផលនេះដែរឬទេ?

Your review is submitted for approval.